All Posts By

olafur

Við hefjum starfsemi aftur 4.maí.

Kæru viðskiptavinir.
 
Nú hefur Heilbrigðisráðherra gefið það út að sjúkraþjálfarastofum er heimilt að hefja starfsemi þann 4.maí n.k. Við komum því til með að fara af stað með okkar starfsemi frá og með þeirri dagsetningu þó með ákveðnum takmörkunum:
– Það verður ekki hægt að opna fyrir notkun af salnum strax nema í fylgd sjúkraþjálfara og því verða korthafar að bíða um stund.
– Við opnum ekki biðstofuna hjá okkur og verða því stólar fyrir framan meðferðaherbergi sjúkraþjálfara en við hvetjum viðskiptavini til að mæta stuttu fyrir bókaðan tíma svo ekki þurfi að bíða lengi.
– Þá getum við því miður ekki boðið upp á kaffi á biðstofunni strax.
– Viðskiptavinir þurfa ekki að skrá sig inn við komu með því að stimpla kennitölu sína á ipad því starfsmenn í afgreiðslu sjá um það.
– Við höldum áfram að virða 2m regluna að fremsta megni sem og að fækka snertiflötum fyrir viðskiptavini okkar.
 
Fram að 4.maí er móttakan hjá okkur opin alla virka daga frá kl.9:00-13:00 og því hægt að hringja í síma 5 200 120 til að bóka tíma eða senda tölvupóst á netföngin orkuhúsid@sjukratjalfun.is eða kringlan@sjukratjalfun.is. Við sinnum bráðaþjónustu áfram fram að 4.maí og eins er hægt að panta símatíma hjá sjúkraþjálfara fram að þeim tíma.
 
Frá og með 4.maí breytist opnunartími okkar í fyrr horf þ.e. frá 8:00 – 17:00.
 
Kveðja
Sjúkraþjálfun Íslands

Tilkynning

Kæru viðskiptavinir

 

Við munum skerða þjónustu okkar frá og með þriðjudeginum 24. mars. Opnunartími styttist og æfingasalir verða lokaðir. Við komum til með að sinna bráðatilfellum sem upp geta komið sem og þeim hóp sem nauðsynlega þarf á þjónustu okkar að halda.

Sjúkraþjálfarar stofunnar koma til með að hafa samband við sína viðskiptavini til að greina þeim frá stöðunni.

Afgreiðslan verður með símsvörun frá kl.8:00 – 16:00 á morgun og miðvikudag. Frá og með fimmtudegi verður hún opin frá kl.9:00 – 13:00 þar til annað verður ákveðið.

Sjúkraþjálfarar okkar munu bjóða upp á símatíma til að leiðbeina og gefa ráð. Hægt er að hringja inn og bóka þannig tíma.

Með þessu vonumst við til að geta aðstoðað sem flesta áfram í þessum erfiðu aðstæðum sem við lifum í í dag.

 

Kær kveðja

Sjúkraþjálfun Íslands

COVID-19

Kæru viðskiptavinir.

 

Í ljósi aðstæðna vegna COVID-19 þá viljum við koma nokkrum atriðum á framfæri.

  • Báðar stofurnar okkar, Orkuhúsið og Kringlan, eru opnar og erum við að gera okkar ítrasta til að svo verði áfram.
  • Þið þurfið ekki að skrá ykkur inn og kvitta á spjaldtölvu fyrir komunni. Starfsmenn í afgreiðlsu slá inn kennitöluna ykkar á spjaldtölvuna við komu.
  • Við viljum biðja ykkur um að nota eins og kostur er snertilausar greiðslur.
  • Þá höfum við tekið úr umferð öll tímarit á biðstofu og öðrum stöðum. Þetta gerum við til að fækka snertiflötum í rýminu okkar. Þá höfum við spritt viðsvegar um rýmið og hvetjum ykkur til að nota það.
  • Sjúkraþjálfararnir okkar eru allir með vaska, handsápu og spritt inn í meðferðarherberginu sínu sem þeir nota fyrir og eftir meðferðir. Hvetjum ykkur til að nota þessa aðstöðu líka.
  • Við höfum lokað fyrir það að starfsfólk okkar komi bæði í Kringluna og Orkuhúsið. Því er samgangur milli staðanna engin en samskiptin eru góð og fara fram í gegnum netið og síma.
  • Þá biðjum við ykkur að halda ráðlagðri fjarlægð (2 metrar) við aðra viðskiptavini og starfsmenn stofunnar t.d. á biðstofu og í æfingasal.
  • Við viljum biðja ykkur um að mæta á tilsettum tíma og ekki mikið fyrir hann til að stytta veru á biðstofu eins og mögulegt er.
  • Við óskum eftir því að þið þrífið þau tæki og búnað sem þið notið í æfingasalnum með þeim hreinsiefnum sem þar eru í boði.
  • Þá höfum við takmarkað mjög samgang starfsmanna innan hvorrar stofu og förum í einu og öllu eftir ráðleggingum Landlæknis.
  • Við förum fram á það við okkar viðskiptavini að þeir haldi sig heima á meðan þeir eru í sóttkví sem og ef þeir finna fyrir flensulíkum einkennum s.s. þurrum hósta, hita og beinverkjum. Þetta eru skilyrði sem við leggjum á starfsfólk okkar.
  • Þeir sem vilja hafa þann möguleika á að fá sér vatn á meðan æfingum í sal stendur er bent á að taka brúsa með sér.
  • Þá viljum við hvetja alla til samvinnu til að takast á við þessa vá því samvinna og samstarfsvilji er það sem kemur okkur öllum best.

 

Kær kveðja

Sjúkraþjálfun Íslands.

Guðrún Halla er komin til starfa.

Guðrún Halla Guðnadóttir sjúkraþjálfari hóf störf hjá okkur í vikunni. Hún útskrifaðist með M.Sc. gráðu í sjúkraþjálfun frá Háskóla Íslands nú í febrúar. Guðrún hefur starfað sem styrktarþjálfari hjá Spörtu heilsurækt frá árinu 2016. Hún kemur til með að starfa í Orkuhúsinu og bjóðum við hana velkomna til starfa.

Kári hefur störf 24.febrúar

Kári lauk B.Sc. í sjúkraþjálfun frá HÍ 2013, M.Sc. í Performing Arts Medicine frá University College London árið 2016 og fékk sérfræðiviðurkenningu í bæklunarsjúkraþjálfun árið 2019. Hann hefur sérstakan áhuga á meðhöndlun vandamála í hálsi og efri útlimum og hefur m.a. unnið með íþróttaliðum í handbolta og fótbolta sem og með Sinfóníuhljómsveit Íslands frá 2016. Kári er aðjúnkt við Námsbraut í sjúkraþjálfun við HÍ og meðlimur í EUSSER – The European Society for Shoulder and Elbow Rehabilitation. Við bjóðum Kára velkominn í hópinn.

Jón Helgi hefur störf.

Jón Helgi Ingvarsson sjúkraþjálfari höf störf hjá okkur nú í byrjun febrúar. Hann lauk M.Sc. námi í sjúkraþjálfun frá Háskóla Íslands vorið 2019. Hann kemur til með að starfa í Kringlunni. Við bjóðum hann velkominn í hópinn.

Sara bætist í hópinn

Sara M. Odden sjúkraþjálfari höf störf hjá okkur nýlega. Hún kemur frá Svíþjóð og útskrifaðist frá Karolinska Institutet vorið 2019. Hún kemur til með að starfa í Orkuhúsinu. Við bjóðum hana velkomna til starfa.

Erum flutt í Urðarhvarf 8

Eftir rúm 16 góð ár á Suðurlandsbrautinn fluttum við allt okkar hafurtask um helgina í Urðarhvarf 8, 203 Kópavogi. Fluttningarnir á laugardag byrjuðu ekki vel því lyftan bilaði í fyrstu ferð og þurftum við að bera allt niður af 2. og 3.hæðinni. Koma því í sendiferðabíl og inn í Urðarhvarfið. Þetta tókst á tveimur og hálfum degi og nú er allt að verða klárt í Urðarhvarfinu til að taka á móti viðskiptavinum okkar en við opnum þar kl.8:00 í fyrramálið. Þetta hefði aldrei tekist nema með samvinnu og samhentu átakið okkar frábæra starfsfólks. Við þökkum öllum þeim sem komu að þessu með okkur og hlökkum til morgundagsins. Sjáumst í Urðarhvarfinu.

Flutningar – Orkuhúsið flytur

Sjúkraþjálfun Íslands flytur af Suðurlandsbraut í Urðarhvarf 8, 203 Kópavogi, 4.hæð.

Við lokum á Suðurlandsbrautinni föstudaginn 24.janúar kl.12:00 og hefjum flutning. Við opnum síðan í Urðarhvarfi mánudaginn 27.janúar kl.8:00.

Hlökkum til að taka á móti ykkur í nýju og glæsilegu húsnæði.

Kveðja

Starfsfólk Sjúkraþjálfunar Íslands

13.janúar 2020

Sjálfstætt starfandi sjúkraþjálfarar hætta að starfa samkvæmt útrunnum samningi við Sjúkratryggingar Íslands (SÍ) nk. mánudag, 13. janúar 2020
Heilbrigðisráðherra hefur sett reglugerð sem tryggir áframhaldandi greiðsluþátttöku SÍ vegna sjúkraþjálfunar, þótt ekki sé samningur í gildi